*(12)*--

Penis Size - Zakar Ka Size


Aam mardon ka khayal hai kay aurtein lamba zakar pasand karti hain. Jab kay haqeeqat yeh hai kay aurat zakar (penis) kay size kay hawaley sey kam sochti hain. Aksar aurtein chotey zakar ko pasand karti hain. Bohut lamba penis aurat ko pasand nahi, kyun kay iss sey aurat ko takleef hoti hai.


Penis kay size kay hawaley sey yeh zabta bhi aam hai kay bharpoor jinsi lutf aur biwi ki satisfaction kay liye lamba penis zaroori hai. Haqeeqat yeh hai kay ziyada jinsi lutf aur biwi kay itmenan ka penis ki lambai kay sath koi ta'alluq nahi. Asal cheez yeh hai kay aap jinsi amal kaisey kartey hain. Aurat ki vagina ka size ausatan 3 sey 4 inch hota hai aur iss ka sirf baerooni 1/3 hissa yani pehla 1 sey one an half inch hissa hi hassas hota hai aur iss hassas hissey tak 2 inch tak sey kuch lamba penis aasani sey pohonch sakta hai. Waisey bhi 80% aurtein sirf penetration sey orgasm hasil nahi kartin.


Yeh khayal bhi aam hai kay aulad kay husool kay liye bhi penis ka lamba hona zaroori hai. Agar penis lambaee mein chota hoga to aulad paida nahi hogi. Iss mughaltey ki bhi koi haqeeqat nahi. Aulad kay husool kay liye sirf semen ka vagina mein dakhil hona zaroori hai. Lehaza penis kay size ka aulad ki paedaish kay sath koi ta'alluq nahi.


Kuch logon ka khayal hai kay bharpoor jinsi lutf kay liye penis ka mota hona zaroori hai. Yeh bhi ek mughalta hai jis ki koi haqeeqat nahi. Vagina darasal khali tube ki tarhan koi khula rasta nahi. Vagina ki 2 deewarein hoti hain jo aapas mein mili hoti hain.