40

Physical Examination - Jismaani Muaina


    Muaina kay liye biwi roshini mein sareen kay bul farash per beth jaey. Bister per naa bethey woh naram hota hai jiski wajah sey faraj neechey ko dhuns jati hai. Iss tarhan sey sahi muaina naa ho sakay ga. Farash per bethney ki surat mein biwi taangein aagey ko phailaey magar ghutney (knees) kharey aur taangein thori si khuli hun ya phir woh bister ya farash per leyt jaey ghutney (knees) kharey aur taangein khuli hun. Mian torch ki madad sey aaza-e-makhsoosa ka muaina karey. Aaza-e-makhsoosa ko vulva kaha jata hai. Isey urdu mein andam-e-nehani kehtey hain. Yeh aurat ki naaf sey neechey donon taangon kay darmiyan hoti hai. Iss kay 2 lub hotey hain jiskay ooper baal hotey hain. Inhein baerooni lub kaha jata hai ab biwi apney donon hath sey apney baerooni lub ko kholey neechey gulabi rung kay androoni lub nazar aaengey.