17

Urinary and Hepatic Problems - Masaney Aur Jigar Ki Garmi


Masaney Aur Jigar Ki Garmi:


(Urinary and Hepatic Problems)





    Masaney (bladder) aur jigar (lever) ki garmi neem hakeemo ka pasandeeda masla hai. Acidity ki wajah sey baaz auqat peeshaab peela (yellow) hojata hai. Agar rozanaa 8 to 10 glass paani pe liye jaey to acidity khatam hojaati hai aur peeshaab white hojata hai. Neem hakeem issko khatarnaak beemari qarar detey hain jis ki wajah sey insan pre-matore ejaculaation ka shikar hojata hai. Iss silsiley mein hum ney parhey likhey hakeemo aur doctors sey raabta kara to pata chulla kay jab kisi neem hakeem ko koi beemari samajh nahi aati to woh issko masaney (bladder) aur jigar (lever) ki garmi qarar detey hain, Halan kay duniya mein iss tarhan ki koi beemari mojood nahi, aur naa hi isska kisi jinsi beemari kay saath koi ta'alluq hai.





Parda e bakarat (Hymen):





    Humarey yahan parda e bakarat (Hymen) kay silsiley mein ghalat malomat bohut aam hain aur iss sey virginity aur ismat ki alamat samjha jata hai. Parda e bakarat (Hymen) aurat kay vagina kay hole mein zara ander ki taraf hota hai aksar aurton ka parda-e-bakarat (Hymen) narm-o-nazuk hota hai, aur first mubashrat (intercourse)  mein aasani sey phutt (rupture) hojata hai, jis sey mamoli takleef hoti hai aur kuch blood bhi nikalta hai. Baaz aurton mein yeh sakt hota hai jo kay mubashrat (intercourse)  mein rukawat banta hai. Aisi surat mein minor operaation ki zaroorat hoti hai. Parda e bakarat (Hymen) ki mojodgi yeh ghair mojodgi kisi bhi tarhan aurat kay virgin honay ka suboot nahi.