*(1)*--

Prof Arshad Javed Thanks His Family And Friends


Shukriya 


 Mein apney muhatrem dost janab professor 
Dr. Khalil Ahmed ka bey hudd shukar guzar hun jinhon ney muswaddey ka ek ek lafz parha aur apney mufeed mashwarey sey nawaza. 


  Pyarey dost janab professor Dr. Akhter Qureshi sabiq sadar shoba nafsiyat GC university Lahore ka mamnoon hun jinhon ney iss kitab kay liye mufeed ma'aloomaat diin, jo iss kitab ka hissa banii'n.


    Ma'aroof column nigar, adeeb aur mukhlis dost janab Akhter Abbas ka bey hudd shukriya jinhon ney na sirf mufeed mashwarey diye bul kay meri hosla afzaee kii. Un ki hosla afzaee kay baghaer iss  tarah ki kitaab likhna mushkil amar tha. 


    Lieutenant cournel Muhammad  Rafeeq ka mamnoon hun, jin ki dosti merey liye sukoon aur taqwiyat ka baa'iss hai jo meri tehreeron ka naqidaana ja'eza ley kar meri rehnuma'ee aur hosla afzaee kartey hain. 


    Bey hudd mukhlis american dost janab AbdulHaleem Khan aur bhateejey Hafiz Ishtiaque Nazeer (London) ka khas tor per shukar guzar hun jinhon ney iss mozou kay hawaley sey mufeed aur taaza tareen kutub bhijwa'een jinn sey merey ilm mein bohut izafa hua. 


    Apney shagird doston mahir-e-nafsiyat  janab Zahid Hameed (Islamabad) aur mahir-e-mafsiyat professor Dr. Syed Sabir Hussain Shah (Gujrat) ka, jinn per mujhey fakhar hai, khas tor per mamnoon hun jinho'n ney mujhey mufeed ma'aloomaat faraham kiin.